Сүт-Хөл кожууннуң албан черлериниң аразынга ай санында эртип турар чаңчыл болган хол бөмбүүнге кожуун чергелиг маргылдаа болуп эрткенин чагырга чери дыңнаткан.
Саавыр аайы-биле хол бөмбүүнге эр ойнакчылар киришкен. Маргылдааның кол эрттирикчилери – кожууннуң өөредилге эргелели.
Изиг-изиг демиселдиң түңнелинде үшкү черге Суг-Аксы школазының, ийиги черге спорт школазының командалары төлептиг болганнар.
Бирги черни бүзүрелдии-биле кожууннуң өөредилге эргелелиниң командазы чаалап алган.
Маргылдаага ниитизи-биле сес команда киришкен. Тергиин ойнакчы, улуг назылыг ойнакчылар, эки көдүрүкчү, тергиин халдакчы дээш Андрей Ондарны, Сылдыс Ондарны, Шолбан Монгушту, Белек Ондарны, Артыш Ховалыгны дээш оон-даа өскелерни шаңнап-мактаан.
Дараазында маргылдааны Суг-Аксы ортумак школазы эрттирер.
