Республиканың хүлээп алыышкын комиссиязы ажылын эгелээн

Кызылдың транспорт техникумунуң баазазында дээди болгаш ортумак өөредилге черлеринче республиканың хүлээп алыышкын комиссиязы ажылын эгелээн.

Тос дээди өөредилге черлериниң хүлээп алыышкын комиссиялары үнүүшкүннүг хүлээп алыышкын кампаниязын организастаары-биле Кызылда чедип келген.

1. Бурятияның күрүнениң көдээ ажыл-агый академиязы;
2. Бурятияның күрүне университеди;
3. Кемеровонуң күрүне университеди;
4. Красноярскиниң күрүнениң аграрлыг университеди;
5. Кузбасстың күрүнениң көдээ ажыл-агый академиязы;
6. Решетнев аттыг Сибирьниң күрүне университеди;
7. Томскиниң күрүнениң башкарылга болгаш радиоэлектроника системазының университеди;
8. Ыраккы Чөөн чүктүң күрүнениң аграр университеди;
9. Плеханов аттыг Россияның экономиктиг университединиң Моолда филиалы.

2024-2025 өөредилге чылында Тывада республика техникумнары бюджеттиг олуттарже 2978, а бюджеттен дашкаар олуттарже 545 бирги курсчуларны хүлээп алыр. Тывада өртумак профессионал өөредилгениң 16 албан черлери база Тываның күрүне университеди – чаңгыс дээди өөредилге чери барын сагындыраал.