Адыг аттыг Росгвардияның Тывада ОМОН отрядының дайынчылары Бии-Хем кожууннуң Аржаан сумузунуң школачыларынга «Эрес-дидим чорук кичээлин» эрттиргенин өөредилге чери дыңнаткан.
Росгвардейжилер оолдар болгаш уругларга эргелелдиң тургустунганының төөгүзүнүң, ажыл-чорудулгазының, эр кижиниң төрээн чуртунуң мурнунга хүлээлгезиниң дугайында таныштырган.
Росгвардейжилер тускай шериг операциязынга чок болган маадыр эжи – Ахмет Маадының дугайында чылыг сактыышкыннары-биле үлешкен. Школачылар дайынчы техника болгаш боо-чепсек делгелгезин, дайынчыларның частыр бүдүмелдер дилеп тывар ыдын онза сонуургааннар.
ТР-ниң Дээди Хуралының депутады [id379069585|Аяна Монгуш] Росгвардияның Тыва Республика талазы-биле эргелелиниң удуртулгазынга, Адыг аттыг Росгвардияның Тывада ОМОН отрядының ажылдакчыларынга маадырлыы-биле чок болган эжиниң төрээн черинге кээп, өзүп орар салгалга уттундурбас ужуражылганы эрттиргени дээш четтиргенин илереткен.
