Барыын-Хемчиктиң росгвардейжилери чылдың эртер албан чериниң акциязынга киришкенин Росгвардияның Тыва Республика талазы-биле эргелелиниң кожуунда салбыры дыңнаткан.
«Росгвардия-биле чайгы дыштанылга» төлевилел уламчылавышаан. Бо удаада Барун-Хемчик кожууннуң хайгаарал килдизиниң ажылдакчылары аңаа идекпейлиг киржип, социал төпке барып четкеннер.
Өг-бүлези нарын байдалга таварышкан ажы-төл дайынчыларны улуг өөрүшкү-биле хүлээп алган. Аалчыларның тускай мергежилиниң дугайында оолдар болгаш уруглар сонуургап, аңгы-аңгы айтырыгларны салып, келир үеде база ада-чурттуң камгалакчылары болурун аазааннар.
Ужуражылганың эң-не солун кезээнде уруглар росгвардейжилерниң дериг-херекселин өөренип шинчилээринге-ле өй болганнар. Ниитилелдиң айыыл чок чоруун хандырып турар Росгвардияның тускай медээлиг машина-техниказы уругларның онза кичээнгейин хаара туткан.
Чылдың эртер төлевилел школачыларның чайгы дыштанылгазының дургузунда неделя санында болур. Ада-чуртчу кичээлдер уругларның келир үеде мергежил шилип алыр сонуургалынга эки салдарлыг болуру чадапчок.
