Бөгүн, август 17-де, дээди пилотажтың «Русские Витязи» авиация бөлүүнүң Кызылдың дээринге көргүзүг ужудуушкуннары болур.
Тываның чурттакчылары болгаш аалчылары Россияның ат-сураглыг ужар бөлүктериниң бирээзиниң күүселдезин көөр аргалыг.
Кызылдың хем эриинде “Азия төвү” скульптура комплекизиниң кырынга ужудар. Дүштекиниң 15.00 шакта ужудукчулар агаар-бойдусту шинчилеп, канчаар ужударын өөренип көргеш, 17.00 шакта көргүзүг ужудуушкунну кылыр.
Ужудуушкуннуң үези агаар-бойдустан болгаш айыыл чок чоруктан хамааржырын дээди пилотажтың «Русские Витязи» авиация бөлүү MAX каналынга дыңнаткан.
Көрүкчүлерни хөй кижилер тырлып, орук шимчээшкининге шаптык катпазы-биле баш бурунгаар көөр таарымчалыг черни шилип алырын сагындырган.
Кызылдың чурттакчыларынга болгаш аалчыларынга онзагай болуушкун апаар көргүзүг ужудуушкуннар Тываның найысылалының дээринге российжи шериг ужудукчуларының кайгамчык арга-мергежилин бараалгадыр.
Тыва Республика хүнүнде болуп эрткен ужудуушкуннар көрүкчүлерниң кичээнгейин хаара туткан.
