Бөгүн Дөгээ даанга Тыва Республиканың база Россияның күрүне тугунуң хүннеринге тураскааткан ада-чуртчу акция болуп эрткен.
РФ-тиң Иштики херектер яамызының Тыва Республикада эргелелиниң ажылдакчылары РФ-тиң Онза байдалдар яамызының Тывада кол эргелелиниң, Россияның федералдыг суд приставтарының Тыва Республикада эргелелиниң, Россияның кеземче күүселдезиниң Тывада эргелелиниң, Росгвардияның, ТР-ниң спорт болгаш аныяктар херектериниң талазы-биле яамыларның төлээлери, Кутузов орденниг гвардейжи 55-ки мото-адыгжы (даг) бригаданың дайынчылары Дөгээ дааның шыпшык бажынче улуг хемчээлдиг Россияның болгаш Тываның күрүне туктарын үндүрүп, хере туткан.
Акция аңгы-аңгы назы-харлыг киржикчилерни хаара туткан. Тываның иштики херектер яамызының хоочуннары, улуг назылыглар, школачылар, студентилер, сургуулдар, чалыы болгаш аныяк спортчулар ада-чуртчу хемчегге идепкейлиг киришкен.
