ТР-ниң Дээди Хуралынга парламент хорааларының даргалары Ульяна Монгуш биле Эрес Хуурак Россияның Чогаалчылар эвилелиниң баштаар чериниң кежигүннери Валерий Латынин, Николай Переяслов, «Литературная газета» солуннуң редколлегиязының кежигүнү Анастасия Ермакова, якут чогаалчы Гаврил Андросов болгаш хакас шүлүкчү Пиксен Ултургашев олар-биле ужурашкан.
Делегей чергелиг фестивальга киржири-биле Кызылда келген аалчылар-биле Россияның национал литературазының байдалының, регионнарда салбырларының ажылдарының, төпте эвес чогаалчыларның федералдыг чогаалдар үндүрүлгелери-биле кады ажылдажылгазының дугайында айтырыгларны, а ол ышкаш орус литератураны национал дылдарже, национал литератураны орус дылче очулдурарының аргаларын чугаалашкан.
Ужуражылгага Тываның чогаалчылар эвилелиниң даргазы Сайлыкмаа Комбуга удурткан тыва чогаалчылар киришкен.
Аныяктар өргээзинге делегей чергелиг аныяк чогаалчыларның фестивалы июнь 16-17 хүннеринде болуп эртер.
