Тываның Баштыңы [id360104045|Владислав Ховалыг] Москвага сургакчылап чорааш, Россияның тудуг болгаш чуртталга-коммунал ажыл-агый сайыды Ирек Файзуллин-биле ужурашкан. Регионнуң тудуг адырын болгаш коммунал ажыл-агыйын хөгжүдериниң чугула айтырыгларын, ол ышкаш республиканың «Амыдыралга инфратургузуг» национал төлевилелди күүсеткениниң үре-түңнелин сайгарган.
«Шагаан-Арыгга чаа котельная тудуун, Кызылдың девискээринде чурттакчылыг черлерде чуртталга тудуунуң хөгжүлдезинге идиг бээр «Эне-Сай» дузалал станциязын база үш школа назыны четпээн өөредилге черин тударын чугаалаштывыс. Федералдыг сайыт регионнуң чедиишкиннерин: 2025 чылда Тыва 466,9 муң дөрбелчин метр чуртталга бажыңын дужааган, а 2026 чылдың эгезинде ол көргүзүг – 39,9 муң ажа бергенин демдеглээн. Оон ыңай 2019 чылдан бээр эргижирээн чуртталга бажыңнарындан 500 кижини көжүрген» – деп, Владислав Ховалыг социал четкилерде дыңнаткан.
2026 чылда 200 хире муң дөрбелчин метр чуртталга бажыңнарын, ол ышкаш он-он социал инфратургузуг объектилерин ажыглалче киирери планнаттынган. Оларның аразында 15 спорт залы, ийи школа, хөгжүм школазы, уруглар сады, эштир бассейн, үш көдээ культура төптери, беш ойнаар шөл бар.
«Таарымчалыг хоорай хүрээлелин хевирлээри» төлевилел-биле 31 хөй-ниити черлеринге чаагайжыдылга планнаттынган, ооң иштинде Кызылда Национал паркты база Туран хоорайда «Тываже кирер хаалга» төлевилел бар.
#Тывачазак #ТМГМедээлер #Тыва #Тывамедээ #Тывадыл #Тывамедиагрупп #Тува
В Кызыле прошел заключительный круглый стол по сбору предложений в Народную программу 2.0
Сегодня, 27 апреля, в здании Верховного Хурала (парламента) Республики Тыва состоялся заключительный круглый стол, посвященный сбору предложений для формирования Народной программы 2.0.