Сүт-Хөл кожууннуң чагырга даргазы Орлан Монгуш сиген шөлдеринде мал чемин белеткеп турар көдээ ишчилер-биле ужурашканын дыңнаткан.
– Кааңдаашкынныг чай болганындан улуг шөлдерде оът-сиген үнмээн. Ынчалза-даа, чайгаар шык черлерде, талдар, хараганнар аразында сиген эки үнген.
Мал-маган тудуп турар эрес-кежээ улус хол кадыыры, сиген кезер херексел-биле оът-сигенни болдунар шаа-биле кезип, белеткеп ап турарлар. Көжээ алаагы, ооң арты дээш өске-даа черлерде сигеннеп турар улус хөй болду.
Алаакта мал чемин белеткеп турар хүндүлүг дыштанылгада хоочун башкы Владимир Хомушкуга база Данил Сарыгларга ужураштым. Оларның кескен сиген-ширбиили арбын, шынары база эки болду. Черле ынчаш кызымак чон кышты хүр ажар дээш, кандыг-даа аргаларны тып, мал чемин белеткеп ап турар. Эр хейлер!
