Сүт-Хөл кожууннуң уругларның үлегер-майыктың ном саңынга кожуунда чогаал бижип эгелеп чоруур уругларның чогаадыкчы салым-чаяанын сайзырадыр дээш уругларга чечен чогаал каттыжыышкынын байырлыг байдалга ажытканын ном саңы дыңнаткан.
Байырлыг хемчегге кожууннуң чагырга даргазының социал политика талазы-биле оралакчызы Светлана Очур-оол киржип, уругларның "Сүт-Хөлдүң салгалдары" чечен чогаал каттыжыышкынын ажыдып турары-биле байыр чедирген.
Чогаал бижип эгелеп чоруур уругларның аразынга чарлаттынган "Шагаа-2024" мөөрейниң тиилекчилерин шаңнап-мактаан.
Чурттуң Президентизи Владимир Путинниң саналы-биле эгелээн «Культура» национал төлевилелдиң күүселдези-биле Сүт-Хөл кожууннуң уругларның үлегер-майыктың ном саңы «БиблиоNEWS» деп солунунуң таныштырылгазын база эрттирген. Солун айда бир катап үнүп эгелээн.
Аалчылар ном саңының ажылдакчыларынга чогаадыкчы чедиишкиннерни болгаш хей-аът кириишкин-биле ажылдаарын күзээн.
Кадеты КПКУ сразились в кулинарном поединке с ребятами из Монголии
В Кызылском Президентском кадетском училище в минувшие праздники состоялся кулинарный поединок «Ой, блины, блины…», в котором кадеты соревновались в приготовлении блинов.