Барыын-Хемчик кожууннуң үндезилеттинип тургустунганындан бээр 100 чыл оюнга тураскааткан хүреш маргылдаазы Кызыл-Мажалыкта дүүн чаа ажыттынган 1000 олуттуг стадионга болуп эрткен.
Хүреш мөгейикчилери болгаш аарыкчылар стадион долдур чыглып келген. Солун, чараш салыглар мөгелерниң аразындан шыырактарны илереткен.
Чидиг-чидиг сегиржип алыышкыннарның түңнелинде Сүт-Хөлден кожуун чергелиг Чаан мөге Түметей Ширижик шүүлгенин Тыва хуреш Tuva khuresh official дыңнаткан. Тиилекчиге чиик чычаанның дүлгүүрүн тывыскан.
Кызыл кожууннуң үндезилеттинип тургустунганындан бээр 80 чыл оюнга тураскааткан шыырак мөгелер аразынга хүреш маргылдаазынга база Түметей Ширижик шүүлген. Аныяк мөге кожуун чергелиг аттар күүседир улуг хүрештиң ийи дакпыр тиилекчизи болган.
