Тываның төвү Кызылдан өске хоорайларже дорт ужар авиарейстер чылдан чылче немежип турар.
Бөгүн, июль 11-де, 5381 рейс Новосибирскиден 6.40 шакта ужуп үнгеш, Кызылга 8.20 шакта келир. Кызылдан 5382 рейс 9.20 шакта ужуп үнгеш, Толмачёво аэропортка 11.00 шакта хонар.
Embraer 170 эптиг самолет вторник, четверг, суббота хүннеринде – бир неделяда үш катап ужударын S7 авиакомпанияныӊ парлалга албаны медеглээн.
Тываныӊ эрге-чагыргазы «Сибирь» S7 Airlines» улуг авиакомпанияны кады ажылдаарын дугуржуп турарыныӊ дугайында Тываныӊ Баштыӊы Владислав Ховалыг эрткен чылын Дээди Хуралга (парламентиге) Айыткалынга дыңнаткан турган.
Авиакомпанияныӊ төлээлери кады ажылдаарынга сонуургалдыг болганы-биле Кызылдыӊ аэропортунга чогуур сертификацияны албан эртип алыры негеттинип келген.
Чурттар аразынга аргыжар рейстерни хүлээп алыр дээш, ужудуп-хондурар шөлдү чаартып кылган. S7 авиакомпанияныӊ «Embraer» маркалыг самолеттарын аӊаа ужудуп-хондуруп болур, шупту стандарттарынга дүгжүп турар болган.
Эконом-класс-биле ужар улуг кижиге билет өртээ 6,5 муӊ рубльден өрү. Орукка бир шак 40 минута хире болур.
Национальный парк Тувы официально открыт
Сегодня, 1 мая, Национальный парк культуры и отдыха РТ официально объявил о своем открытии для всех желающих.