Шагааның саң салыр езулалынче херээжен кижи барбас деп, чоокка чедир санап турганы солун. Суурларда саң салыр езулалдарга колдуунда эр кижилер киржип турган.
Тыва Республиканың Камбы-Лама эргелели аңаа хамаарыштыр тайылбырны берген.
Саңны салып турар черинден база чүү дээш салып турарындан ону ылгаар каш хевирлер бар деп, лама башкылар тайылбырлаан. Херээжен кижи езузалга шуут киржип болбас дээн, ындыг хоруг чок. Бедик черже үнери бергедей бээр болганы-биле, херээжен кижиге ында саңче барбазын сүмелээр турган.
Шагаа өг-бүлениң байырлалы болганда, Чаа чылды уткаанының саңын төрел аймак азы өг-бүле кежигүннери, херээжен чон база, салып, йөрээлдерни алгаар чораан.
Тыва Республиканың Камбы-Лама эргелелиниң тайылбырындан алырга, cаң салыр езулалга күзелдиг кижи бүрүзү киржип болур.
Глава Тувы Владислав Ховалыг выступил с обращением к землякам
Глава Тувы Владислав Ховалыг сообщил в своем блоге о том что, сегодня вражеские дроны, ранее прилетавшие в южные и центральные регионы России, впервые атаковали объекты в Иркутской области.