Өвүр кожууннуң Саглы сумузунуң Орлан Бузур-оол аттыг ортумак школазы тургустунганындан бээр 90 чыл оюн байырлыг байдалга демдеглээн.
ТР-ниң Дээди Хуралының Өөредилге, культура болгаш информация политиказының талазы-биле хораазының даргазы Белекмаа Мунге Дээди Хуралдың Даргазы Кан-оол Давааның өмүнээзинден ниити билиг школазының коллективинге, хоочуннарга байыр чедирген.
– Кандыг-даа школаның чедиишкини өөредилге-кижизидилге ажылында чаа аргаларны ажыглап турарындан кончуг хамааржыр. Бо талазы-биле Саглы ортумак школазы үениң негелдезинден чыда калбайн чоруур. Быжыг тура соруктуг, демниг ажылдыг, бедик хей-аъттыг школаңар республикада дээре ажылдыг ниити билиг өөредилге черлериниң санынче кирип турары өөрүнчүг – деп, Белекмаа Мунге демдеглээн.
Депутат ТР-ниң Дээди Хуралының шаңналдарын хоочуннарга болгаш башкыларга тывыскан.
В Туве стартует профилактическая акция «Безопасный лёд»
С 15 ноября 2026 года по 1 апреля 2027 года на территории Республики Тыва будет проводиться профилактическая акция «Безопасный лёд».