Өвүр кожууннуң чагырга даргазының хүлээлгезин күүседип турар Айдыс Куулар Саглы сумузунда культура бажыңының үндезин септелге ажылдарын болгаш өөредилге албан черлерин хынап көрген.
– Объектиде тудугжулардан аңгыда клубтуң ажылдакчылары база хаара туттунган. Кылыр ажыл ам-даа бар. Үндезин септелгени чорудуп турар удуртукчудан база тудугжулардан ажылдың шынарынче кичээнгейни салып, септелгени үе шаанда доозарын негедим.
Ол ышкаш «Челээш» уруглар садының эргелекчизи, эмчизи-биле ужуражып, келир үеде немей тудуг тудар аргаларны чугаалаштывыс. штывыс. Уруглар садының хөмүр болгаш чем шыгжамырларын база хынадывыс.
Улаштыр үндезин септелге кылдынган школага четтивис. Өөредилге чери чылыг, чырык болгаш чаартынган кабинеттерлиг, спорт залдыг, изиг-соок суглуг чунар аңгы өрээлдиг. Ынчалза-даа школаның коридорунга улуг таарзынмадым, немей эде кылыр даалганы септелге кылган тудугжуларга бердим. Школаже кирер эжик аксын база чаартып кылыр болдулар.
Сумунуң чагырыкчызы Чечекмаа Ооржак болгаш албан черлериниң удуртукчулары-биле түңнел хуралга тус черниң чонунга хөмүр-даш садар аргаларны дугуруштувус. Хөмүр сөөртүп турар «Транспорт сервизи болгаш төлевилел» күрүнениң унитарлыг бүдүрүлгези таварыштыр ажылды чорудар. Социал объектилер оттулар чүүлдү долузу-биле дүжүрген. Одалга черлерниң котелдары эки, негелде езугаар херек чүүлдери база бар – деп, Айдыс Куулар соцчеткилерде бижээн.
