Тыва Республиканың Садыг-үлетпүр палатазының президентизи Андрей Ондар Тываның Баштыңының Айыткалында сайгарлыкчы чоруктуң хөгжүлдезинче угланыышкынны онзалап айытканын демдеглээн. Республиканың бизнес каттыжыышкыннарының төлээзиниң чугаазы-биле алырга, бизнесче кичээнгей сайгарлыкчылар ортузунда сонуургалды болдурган.
– Чоокта чаа Владислав Ховалыг Татарстанга ажыл-агый аайы-биле чорааш, ийи республиканың када ажылдажылгазының дугайында дугуржулганы Рустам Минниханов-биле чарган. Ол дугуржулганың пунктуларын күүседири-биле, арга-дуржулга солчулгалыг Казаньче бизнес-даалгалыг аъттаныр делегацияны бо неделяда хевирлеп тургускан.
Тываның Баштыңы Айыткалында республиканың экономиктиг хөгжүлдезинге эртем албан черлериниң ролюнуң дугайында дыка шын демдегледи. Делегацияның составында Тываның Гуманитарлыг болгаш тускай эртемнер шинчилээр институдунуң эртем ажылдакчызы Чойган Ондар кирген. Ол тыва дыл адырында ИТ-төлевилелди кылып турар.
Татарстанда коллегалары, татар дылда ындыг хевирлиг төлевилел адырында арга-дуржулганы солчур кылдыр, Татарстанның эртемнер академиязының Тускай семиотика (демдектерниң бот-шынарын болгаш демдектер системазын шинчилээр ниити теория) институттуң ажылдакчылары-биле ужуражылганы белеткээн.
Бизнес-даалганың операторлары – Тываның биле Татарстан Республиканың Садыг-үлетпүр палаталары. Оон-даа өске ужуражылгалар база хемчеглер планнаттынган, ооң иштинде Татарстанның ИТ-парктарынга, чүгле Россияда эвес, а делегейде билдингир үлетпүр парктарга баар. Шак мындыг арга-дуржулга солчулгалары ындыг продуктуларны ажылдап кылырывыстың хуусаа-үезин кызырар.
Оон аңгыда, эде чаартылгада республиканың «Хандагайты – Боршоо» автомобиль эрттирилге пунктузунга онза экономиктиг девискээрни ажылдадыр планывыс база бар. Бистиң коллегаларывыстың мурнакчы арга-дуржулгазын Татарстанның ол адырында онза сонуургап турар
