Мөңгүн-Тайга кожуунга “Ак-адырның аңгырлары” төрел аймааның байырлалын Борарганнар эрттиргенин чагырга чери дыңнаткан.
Борарганнарның төрел аймаа хүреш, аът чарыжы, ча адар, аргамчы тырттар, чер эжер, чагы бажы шалбадаары, эр болгаш херээжен улус аразынга хой көдүрер, уругларга чиик атлетикага маргылдааларны болгаш хөглүг старттарны эрттирген.
Тывада билдингир сайгарлыкчы мөге апарган Кара-Хаан Кара-Сал хүреш маргылдаазынга шүүлгенин Тыва хуреш Tuva khuresh official медеглээн. Ол хой көдүрер маргылаадага база тиилээн.
Кара-Хаан Кара-Сал шаңналдары – сарлык биле хойну кожууннуң чеди ажы-төлдүг болгаш сес дугаар уруун манап турар өг-бүлелерге белек кылдыр дамчыткан.
