Чеди-Хөл кожууннуң Сайлыг сумузундан Чечен Сат социал керээге үндезилээн күрүне деткимчезиниң ачызында ажыл-херээн ажытканын чагырга чери дыңнаткан.
Эгелеп чоруур сайгарлыкчы электри дериг-херекселдер эптелгезиниң, септелгезиниң болгаш хандырылгазының ачы-дузазын чедирип турар. Чечен Сат электри эптелгезиниң кандыг-даа нарын ажылдарын кылыр дуржулгазы улуг тускай мергежилдиг. Электрик кол кичээнгейни ажылының шынарынче угландырып турар.
Социал керээге үндезилээн күрүне деткимчезин алырда, чурттап турар чериниң аайы-биле Чонну ажылга хаара тудар төпче кээп болурун сагындыраал.
Күрүне деткимчези-биле бизнести эгелеп азы хууда дузалал ажыл-агыйын тургузар дээн кижи хууда сайгарлыкчы азы бодун ажыл-биле хандыртынган кижи кылдыр бүрүткедип алыры албан сагыыр негелде болур.