Часкы үеде Тыва чаңчыл езугаар делегей чергелиг «Сактыышкынның сады» деп экологтуг-ада-чуртчу акцияга киржип турар. 2025 чылда хемчег беш дугаар болуп эртер болгаш Ада-чурттуң Улуг дайынынга Тиилелгениң 80 чыл оюнга тураскааткан.
Эртен, майның 16-да, Кызылдың арга-арыг ажыл-агыйының девискээринге планнааны езугаар ине бүрүлүг ыяштарның өзүмүн хөйү-биле тарып олуртур акция кол болуушкун болур. Черби арга-арыг ажыл-агый участогунуң «Сарыг сыра» деп черге ону олуртур. Акция-биле 49 гектар шөлге 196 муң хады өзүмнерин тарыыры планнаттынган. Аныяк ыяштарны Красноярск крайда Ермаковский үнүш өстүрер черинден садып эккелген.
Кызылдың организацияларының, ТР-ниң Дээди Хуралының, Арбитраж судунуң, прокуратураның, Саналга палатазының, «Чаңгыс демниг Россия» политиктиг партияның регионалдыг салбырының, «Ада-чурт камгалакчылары» тускай шериг опреациязының киржикчилерин деткиир күрүне фондузунуң салбырының коллективтери, «Россельхозбанк» биле «Сбербанк» регионалдыг офистерниң ажылдакчылары ыяштар тарып олуртурунга киржир.
ТР-ниң Арга-арыг яамызының медээзи-биле алырга, Тываның муниципалдыг тургузугларынга акция үезинде 2580 аныяк ыяшты, арга-арыг фондузунуң девискээринге – бир сая 205 муң 48 өзүмнү тарыыр. Өвүр, Сүт-Хөл, Чөөн-Хемчик, Бии-Хем, Тес-Хем, Эрзин, Таңды, Улуг-Хем, Тожу, Каа-Хем, Барыын-Хемчик, Бай-Тайга, Кызыл база Чаа-Хөл кожууннарда 32 черге ыяштарны тарып олуртурун тодараткан.
Бөгүнге чедир чадаң ыяш, хады, шиви, дыт дээш аңгы-аңгы 460 санныг өзүмнү олуртурунга 306 кижи киришкен. Чижээ, Сүт-Хөл кожууннуң Суг-Аксы сууру акцияны эрттирип каапкан: ооң киржикчилери эрткен чылын «Кым-даа, чүү-даа уттундурбаан» деп тураскаалды долгандыр ине бүрүлүг 60 ыяшты олурткан болза, бо удаада ооң санын 80 чедирген. Акция келир салгалга төөгүлүг сактыышкынны кадагалап, ооң-биле харылзааны быжыглаарынга улуг ужур-дузалыг деп демдеглээн.
Күзелдиг кижи бүрүзү акцияга киржип болур. Ону кылыр дизе:
- сад-памяти.рф/ акцияның албан езузунуң сайтызынче кирер.
- Интерактивтиг картада киирген бодунуң регионун база таарымчалыг черин шилип алыр.
- Киржикчиге чугула медээ келир ужурлуг электроннуг почтаны ажыдар.
Россияның Президентизи Владимир Путинниң «Экологтуг чаагай чорук» национал төлевилелди деткиир дээн даалгазы езугаар, Россияның Бойдус яамызы, Россияның Арга-арыг ажыл-агыйы, Тиилелгениң полководчуларынга сактыышкын фондузу, «Тиилелгениң эки турачылары» база «Сактыышкын сады» коммерцияга хамаарышпас автономнуг организацияның киржилгези-биле «Сактыышкынның сады» делегей чергелиг акция чоруп турар. Ада-чурттуң Улуг дайынында мөчээн кижи бүрүзүнге сактыышкын кылдыр, регионнарның экологиязын экижидери-биле чыл санында-ла 27 сая ыяштарны тарып олуртуру – акцияның кол сорулгазы.

Сергей Шойгу о выпускниках КПКУ: «Эти ребята действительно достойны»
Как сообщала ранее редакция ТМГ, сегодня в Туву прибыл секретарь Совета безопасности Российской Федерации Сергей Шойгу.