Тыва үндезин культура төвүнүң Тываның Баштыңы Владислав Ховалыгга байыр чедириишкини
– Хүндүлүг Владислав Товарищтайович!
Тыва чоннуң сүлде-сүзүүн туткан, ооң келир үеде салым-чолун шиитпирлээн, харыысалгалыг ажылын чоргузуп чоруур Силерге чырык черге чаяаттынган хүнүңер-биле Тыва үндезин культура төвүнүң мурнундан изиг байырны чедирдивис!
Чонувустуң, төрээн культуравыстың, чуртувустуң келир үези Силерниң болгаш бистиң шуптувустуң холувуста деп чүүлдү миннип, хүлээнип алган ажыл-чорудулгаңарга кижи бүрүзү өмек-дөмек болур дээрзин демдеглексээр-дир бис. Силерниң кылып чоргузуп турар ажыл-ижиңерни үнелеп, чаа-чаа чедиишкиннер кезээ мөңгеде ойбас дээрзинге бүзүрээр-дир бис.
Шак бо буянныг хүнүңерде Силерге болгаш чоок кижилериңерге сагыш-сеткилдиң оожургалын, кадыкшылдың быжыын, хей-аъттың бедиин, өөрүшкү-маңнайның чүглендириишкинин, угаан-сарыылдың мергенин сеткиливис ханызындан күзээр-дир бис. Салып алган сорулгаңар кезээ шагда чииги-биле бүдер болзун деп йөрээдивис!
