Каа-Хем кожууннуң төвү Сарыг-Септиң чурттакчызы Ольга Евдокимова социал керээге үндезилээн күрүне деткимчезин алгаш, өг-бүле бизнезиниң эгезин салганын ТР-ниң Дээди Хуралының депутады Ульяна Монгуш дыңнаткан.
Ажыл-биле бот-хандыртынган сайгарлыкчы дагаа, хаван ээгилери болгаш борбак хлеб бажырар дериг-хереселди садып алган. Евдокимовтарның ийи каът чаагайжыды туттунган бажыңында аъш-чемни санитарлыг дүрүмнерни сагывышаан кылырынга бүгү-ле таарымчалыг байдалдар тургустунган.
Денис биле Ольга Евдокимовтарның сүүзүннүг болгаш чаагай амданныг быжырган дагааларының болгаш хаван ээгилериниң дугайында кожуун төвүнден дашкаар улус безин билир апарган.
Быжырган эът аймаан чагыдарга, өг-бүлениң боттарының өстүрген картофелин, дузаан огурецтерин болгаш белеткеп кылган саладын немеп турар.
Евдокимовтарның хеймер оглу Иван оңгуга ажыглаар лааларны кылып турар. Мооң мурнунда ол 50 ажыг лааны кылгаш, ачы-дуза чыыр пунктуже дамчыткан.
Ажылгыр, кежээ Евдокимовтарның өг-бүле бизнези моон-даа соңгаар сайзыраарын күзевишаан, депутат тус черниң сайгарлакчызын деткип, хоолулуг дагаа болгаш чымчак хаван ээгилерин садып алган.
