Каа-Хем кожууннуң муниципалдыг комиссиязы Сарыг-Септе үндезин септелге чоруттунуп турар объектилерни хынап көргенин чагырга чери дыңнаткан.
Сарыг-Септе «Родничок» уруглар садының үндезин септелгезин “Көдээ черлерниң комплекстиг хөгжүлдези” күрүне программазы-биле чорудуп турар. Школа назыны четпээн уруглар албан чери 1988 чылда туттунган.
Объектиде иштики септелге ажылдары чоруттунуп турар. Ында уруглар садының ажылдакчыларын база хаара туткан. Хүлээникчизи – «Дашчы» кызыгаарлаан харыысалгалыг ниитилел.
Уругларның уран чүүл школазында септелге ажылдары кидин түлүк, ында 12 кижи ажылдап турар. Школаның директору Буян Монгуш чаартынган оран-саваны ажыглалче киириптерге, уруглар кичээлдерже улуг күзел-биле кээринге бүзүрелдиг. Башкыларга база уругларны уран чүүлге өөредиринге бүгү-ле таарымчалыг байдалдар тургустунар.
