Тываның Чогаалчылар эвилелиниң кежигүннери Мария Күжүгет, Эрес Кол база Кежик Коңзай аграр лицейниң өөреникчилери болгаш башкылары-биле ужуражып, "Шүлүктерде угулзалар" деп поэзия кежээзин эрттирген.
Аграр лицейниң өөреникчилери Демир-Хая Ортаат (10 класс) В.Серен-оолдуң "Өгже чалалга", Анастасия Очур (10 класс) Р.Лудуптуң "Ийи чагаа", Алина Монгуш (10 класс) Б. Ахмадулинаның "В тот месяц май", Анастасия Салчак (7 класс) Э. Колдуң "Поэзияга", Айслана Хертек (8 класс) А. Феттиң "Я пришёл к тебе с приветом", Оргаадай Хомушку (7 класс), Сайзана Монгуш (8 класс) келген аачыларга болгаш башкыларынга, эш-өөрүнге орус болгаш тыва шүлүкчүлерниң шүлүктерин тус-тузунда аянныг номчуп бараалгатканнар.
Чалаттырган аалчылар боттарының дугайында таныштыргаш, чогаал дугайында тайылбырлап, боттарының шүлүктерин өөреникчилерге номчуп бербишаан, чогаалга сонуургалдыг болурун, шуптузунга эки номчуттунарын деткимчелиг сөстери-биле чагааннар.
Кежик Коңзай агрлар лицейге өөренип чораан үезинде төрүттүнген шүлүктерин, амгы үеде ыры апарган ырыларын күүседип доозуп турган.
"Шүлүктерде угулзалар" деп поэзия кежээзин шүлүкчү, башкы, очулдурукчу, Тываның Чогаалчылар эвилелиниң кежигүнү Эрик Норбу башкарып эрттиргеш, өөреникчилерниң-даа, башкыларның-даа, аалчыларның-даа магадаан, өөрээн сеткилинден сорулгазын чедип алганын барымдаалаан.
#Тываныңчогаалчылар эвилели #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Работникам дорожно-транспортного комплекса Тувы вручили госнаграды в честь профессионального праздника
Накануне, 22 ноября, в актовом зале инженерно-технического факультета Тувинского государственного университета состоялось чествование работников транспортного комплекса республики в рамках профессион…