Тываның Чуртталга-коммунал ажыл-агый яамызы шөлээлээр мурнунда курлавыр хандырылга организацияларынга өрелерин төлеп алырын республиканың чурттакчыларынга сагындырган.
Коммуникацияларны хандырар болгаш септээр, хамаатыларның чагыгларын күүседир, хөй квартиралыг бажыңнарны хандырар, планныг ажылдарны хевирлээр, өске тускайжыттынган организацияларны хаара тудар ажыл-чорудулгалар үе шаанда төлээн төлевирлерден дорт хамааржыр деп демдеглээн. Ниитизи-биле алырга, чурттакчылыг черлерниң ажыл-агыйжы турум ажылы оон хамааржыр.
Ылаңгыя күскү-кышкы үеге белеткениринге акшаландырыышкынның чедишпези, бүдүрүлгелерни элээн бергедедир. Ол ышкаш, шөлээлээр мурнунда төлеттинмээн коммунал ачы-дузалар чанып келирге эпчок чүүлдерге – хөөлер санаарынга база суд таварыштыр өрени тырттар дугайында дыңнадыгны эккеп болур.
Коммунал ажыл-агый албан чериниң шөлээлеп чоруур деп турар кижилерге база өске ажыктыг сүмелери бар. Бир эвес техниктиг чылдагааннар уржуундан квартирада санаашкын дериг-херексели чок болза, а бажың ээлери үр үеде турбаан болза, газ, изиг база соок суг хандырылгазы, суг төккени, чырык дээш эде санаашкынны кылдырып ап болур.
Эде санаашкын кылырда бажың ээлериниң ыңай-бээр чораан хүннерин санаваска, 5 хонук дургузунда чок турганын бадыткаан актыны тургузар. Бажыңынга турбаанын билеттер, гостиница азы ниитиниң чуртталга бажыңы дээш төлевириниң, Россиядан үнүп-кирип турганын демдеглээн даштыкы паспорту, азы өске документилер-биле шынзыдар.
Эде санаашкынны алырда, айыттынган документилерни кошкан билдириишкинни башкарыкчы компанияже киирер.
Жители Тувы проверили свои знания в онлайн-зачёте по финансовой грамотности
Более 2,9 тысячи жителей Тувы приняли участие во Всероссийском онлайн-зачёте по финансовой грамотности.