Национал школа хөгжүдер институт болгаш «Чаш назынның навигаторлары» деп федералдыг төлевилел боттандырар регионалдыг курлавыр төвүнүң удуртулгазы-биле «Үш үне» деп республика чергелиг этнокультурлуг диктант болуп эртерин институт дыңнаткан.
Институт диктантыга ажылчын коллективтерни, сургуулдарны болгаш күзелдиг өөреникчилерни киржиринче чалап турар. «Үш үне» деп этнокультурлуг диктантыны эрттирер хуусаазы: 2023 чылдың октябрь 24-те 14:00 шак.
Эрттирер черлери: республиканың кожуун, суурлар аайы-биле тус черлерниң өөредилге черлери, ном саңнары, чөпшээрел берген шөлдер.
Этнокультурлуг диктантыны тыва дыл хүнүнге тураскаадып тыва дылды, үндезин культураны болгаш езу-чаңчылдарны кадагалап арттырар дээн сорулгалыг эрттирип турар.
«Үш үне» диктантының киржикчилерин болгаш тиилекчилерин Хүндүлел бижиктери манап турар. Тиилекчилерни ноябрь 1-де – Тыва дыл хүнүнде чонга таныштырар.
Диктантыны дараазында дүрүм езугаар чорудар
