Чөөн-Хемчик кожууннуң Культура сайзыралының төвүнде «Бодарал» херээженнер клуву тыва национал хеп – тон биле чучак быжып, даараар мастер-классты уламчылап турарын төп дыңнаткан.
Шагаа байырлалынга уткуштур кижи бүрүзү бодун болгаш чоок кижилерин чаа хеп-биле өөртүрүн күзээр.
Шевер Эмма Конгар төп-биле хөй чылдар дургузунда сырый харылзаалыг ажылдап турар. Хемчегниң киржикчилери улуг сонуургал-биле быжып, даарап өөренип, башкызының арга-сүмезин шиңгээдип алганнар.
Кожууннуң херээженнер чөвүлелиниң удуртулгазы-биле ук өөредигни эрттирген.
