Улусчу фронтунуң Тывада салбыры, Россияның буддистер ассамблеязы, Тываның Камбы-Лама эргелелиниң төлээлери, Тыва үндезин культура төвүнүң артистери Шагаа уткуштур тускай шериг операциязында киржип турар дайынчыларга ачы-дуза чыылдазын чорудары-биле республиканың кожууннарынче үнүүшкүннерни уламчылап турар.
Улусчу фронтунуң Тывада салбырының күүсекчи комитединиң удуртукчузу Саима Далчинге удурткан бөлүк өвүржүлер-биле ужуражылганы эрттиргенин кожууннуң чагырга чери дыңнаткан.
Саима Далчин тускай шериг операциязында киржип турар дайынчыларга дуза чедирип турар "Ак-Бедик" болгаш "Идегел" эки турачылар штавының кежигүннери өөрүп четтириишкин бижиктеринге төлептиг болган.
Улусчу фронтунуң Тывада салбыры, Камбы-Ламанын эргелели Өвүр кожуун чагыргазынга «Улусчу фронт. Бүгү чүүлдү тиилелгеже!» төлевилелдиң чорудуу-биле ачы-дуза чыылдазынга идепкейлиг киржип турары дээш өөрүп четтириишкин бижиктерин тывыскан.
Лама башкылар мөргүлдерни номчаан соонда, артистер оюн-көргүзүүн бараалгаткан.
