ТР-ниң Дээди Судунуң коллективи Кара-Хаактың уругларның уран чүүл школазынга «Шагаа ыры» деп ырыга видеоклип бижидеринге деткимчени көргүскенин шүүгү чери дыңнаткан.
Чогаадылга бөлүү видеоклипти республиканың каас-чараш чурумалдыг черлеринге тырттырган. Бо бүгүнү амыдыралда боттандырарда автотранспорт чугула херек турган. Шагаа бети буянныг ажыл-херектерниң үези дээр болгай. ТР-ниң Дээди Судунуң коллективи уран чүүл школазын «ПАЗ» маркалыг автобус-биле хандырган.
«Шагаа ыры» деп ырының аялгазын Дээди Судтуң шииткекчи Хээлиг Тулуштуң ачазы – Тываның сургалыг композитору Ирбен-оол Түлүш бижээн.
Уран чүүл школазының коллективи ТР-ниң Дээди Судунуң удуртулгазынга четтиргенин илереткен.
