ТР-ниң Баштыңы Владислав Ховалыг Тываның Чазааның отчедун илеткеп тургаш, Шагаан-Арыг хоорайда чаа котельнаяның тудуун эгелей бергенин дыңнаткан.
«Амыдыралга инфратургузуг» национал төлевилелдиң «Коммунал инфраструктураның эде чаартылгазы» федералдыг төлевилели-биле котельнаяны тудар. Тыва Республиканың Чазаа биле Россия Федерациязының Тудуг болгаш чуртталга-коммунал ажыл-агый яамызының аразында федералдыг бюджеттен субсидия бээриниң дугайында дугуржулга чардынган.
2024 чылдың март айда хей-доозун холумактыг частыышкын болган Шагаан-Арыг ЧЭТ-инге чаа котельнаяны тудар дээн Тываның Баштыңының саналын Россияның Президентизи Владимир Путин регионга ажыл-агыйжы чорук үезинде деткээнин демдеглезе чогуур.
Күрүне баштыңы Тыва Республиканың дилээн сайгарып, деткиирин Россия Федерациязының Чазааның Даргазының оралакчызы Марат Хуснуллинге даасканын сагындыраал.
Шагаан-Арыг биле Ак-Довурак хоорайларга чаа котельнаялар тудар планнар 2030 чылга чедир республиканың комплекстиг коммуналдыг эде чаартылга программазында кирген.
