Улуг-хемчилерниң үрде манааны Шагаан-Арыгда 150 олуттуг уругларның уран чүүл школазын бо чылын тудар. Тудугнуң баштайгы ажылдары эгелээн.
Кожууннуң культура адырының 130 ажылдакчызы кагдына берген тудугнуң аштап-арыглаашкынын чорутканын чагырга чери дыңнаткан.
Культура объектизиниң чанында чурттап турар Шагаан-Арыгның бир дугаар школазының өөреникчизи Милан Доржу база хөй-ниити ажылынга каттышкан. Уран чүүл школазының башкылары машина-техника-биле дузалашкан Шагаан-Арыг хоорай чагыргазынга, "Өлчей" кафезинге, "Челээш" уруглар садынга, бир дугаар школага четтиргенин илереткен.
Бо чылын «Көдээ девискээрлерниң комплекстиг хөгжүлдези» федералдыг программаның кол ажылдары Тываның алды кожуунунга – Таңды, Улуг-Хем, Бай-Тайга, Тес-Хем, Өвүр база Эрзинге эгелээр. Бо кожууннарның төлевилелдери Россияның, республиканың база муниципалдыг тургузугларның бюджеттеринден, ол ышкаш бюджеттен дашкаар акша-хөреңги киирилдезин барымдаалап, 693 сая ажыг рубльдиң субсидиязын алыр.
Социал болгаш инженер инфратургузугнуң, чуртталга бажыңнарының, оруктар, культура болгаш спорт объектилериниң тудуу дээн ышкаш кол угланыышкыннар аразынга ону хуваар.
Улуг-Хем кожууннуң Шагаан-Арыгда 150 олуттуг уругларның уран чүүл школазының тудуу эгелээр. Чодураа суурда 176 олуттуг школаны чедир тудар.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.