Каа-Хем кожууннуң Дерзиг-Аксының дазылга бажыңының социал ачы-дуза алыкчылары Шагааның бүдүү айында Кызылда «Тубтен Шедруб Линг» чаа сарыг шажын хүрээзиниң девискээрин хардан болгаш доштан аштап арыглаанын ТР-ниң Күш ажыл-ажыл яамызы дыңнаткан.
Дазылга бажыңының социал ачы-дуза алыкчылары буянныг үүле-херээн кылган соонда, Тываның IV Камбы-Ламазы Гелек Нацык-Доржу Башкыга душ бооп ужуражы бергеннер. Олар Гелек Нацык-Доржу Башкыны дазылга бажыңынга Шагаа айының йөрээл номналдарын номчуп бээрин дилээннер.
