Шагааның “Саң салыр” езулалын эрттирер черлери

Тыва ай санаашкыны-биле чоннуң Чаа чыл – Шагаа байырлалын март 1-де демдеглеп эрттирер.

Чаа чылда чаагай чүүлдерни дилеп, оран делегейге, ие-бойдузунга өөрүп четтиргенин илередип, ак чемни саңга өргүүр езулалды эрттирер черлерни тодараткан.

Март 1-де чоннуң киржилгези-биле саң салыр чаңчыга берген черлер –
06:00 шакта Тываның Национал культура болгаш дыштанылга парыгынга, 07:00 шакта Ганден Чойпелинг, «Дамба Брайбулинг», «Даши Панделинг», «Цеченлинг», «Тубтен Шедруб Линг», «Үстүү-Хүрээ» хүрээлериниң, «Кадарчы» тураскаалының чанынга, «Дөгээ» дааның эдээнге болур.

08:30 шакта «Дээди хам эргелели» Тываның төпчүткен хам чүдүлге организациязынга, республикада тус черлерде хам чүдүлге организацияларынга езулалдар болур.

#Шагаа #ТМГМедээлер #Тыва #Тывамедээ #Тывадыл #Тывамедиагрупп #Тува