Республикада азыг диштиг араатан аң мал ажыл-агыйларынга когарал чедирбезин дээш, кожууннарда бөрү аглаар тускай чөпшээрелдиг аңчыларның бригадаларын тургускан.
Бай-Тайга кожуунда 10 бригада ажылдап турарын чагырга чери дыңнаткан. Ында дуржулгалыг 40 аңчы хаара туттунган. Эрткен дыштаныр хүннерде олар дөрт аңгы угланыышкынче – Элезинниг-Хову, Тура, Саамчыыр, Ала-Белиг девискээрлеринде кокай аглаары-биле үнгеннер. Бай-Тал сумузунда Ала-Белиг деп черден ийи, Элезинниг-Ховудан бир бөрүнү аглаан.
Чылдың кайы-даа үезинде малчыннарга айыыл тургузар дөрт буттуг амытан – бөрү. Ылаңгыя кышкы үеде аштаан кокайлар малчын коданнарже халдап эгелээр.
ТР-ниң Дириг амытаннар объектилерин камгалаар күрүне комитеди 2025 чылдың январь 8-ке чедир республиканың мал ажыл-агыйларынга улуг каражаны чедирип турар кокай санын өйлээр дээш шалыпчы айны чарлаанын сагындыраал.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.