Каа-Хем кожуун чагыргазының төлээзи Арин Ховалыг Сарыг-Сеп сумузунуң девискээринде Шан деп черде малчыннар-биле ужуражып, кыштаглаашкынның байдалын хынап көргенин чагырга чери дыңнаткан.
Кыштаглаашкын хүр эртип турар, мал-маганының деңгели эки, сиген-ширбиил курлавыр четчир, харның кылыны ортумаа-биле 40-45 сантиметр. Кыштагларже оруктар ажык, ук айтырыг көдээ ажыл-агый эргелелиниң хыналдазында.
Чамдык ажыл-агыйларда бода малдың оолдаашкыны эгелей берген. Аалдарже ажыл-агыйжыүнүүшкүннер мал кыштаглаашкыны төнгүжеге чедир уламчылаар.
Тываның Көдээ ажыл-агый болгаш аъш-чем яамызы мал кыштаглаашкынының айтырыгларының талазы-биле 9-75-36 дугаарлыг «изиг шугум» телефонун ажылдатканын сагындыраал.
Мал ажыл-агыйын болгаш уксаажыдылга ажылын сайзырадыр килдистиң телефон дугаарларынче: 8(39422)9-75-36, +7 (923) 263-66-39, +7 (923) 552-42-12 долгааш, дыңнадыгны киирип болур.
