Чөөн-Хемчик кожууннуң Шеми сумузунда «Эзирлер уязы» төлевилел-биле туттунган спорт залынга школа назыны четпээн (4-7 харлыг) оолдар аразынга хүреш маргылдаазы болуп эрткенин чагырга чери дыңнаткан.
Маргылдааны кожууннуң өөредилге эргелелиниң удуртукчузу Айлаң Куулар, Шеми суму чагыргазың даргазы Омак Монгуш, Чөөн-Хемчик кожууннуң прокурору Адыгжы Маспык-оол олар ажыткан.
Чадаана хоорайның «Родничок» уруглар садының мөгелери бирги черге төлептиг болган. Хайыраканның «Хүнчүгеш» уруглар сады ийиги черни, Чыраа-Бажының «Салгал» уруглар сады үшкү черни чаалап алган.
Кожуун чергелиг хүреш маргылдаазынга 68 бичии мөге киржип, ачыр-дачыр тудушкан.
