Бии-Хем кожууннуң Хадың сумузундан тускай шериг операциязында киржип турар эрес-дидим дайынчыларның саны 30 ашканын сумунуң чагырга чери дыңнаткан.
Төрээн чурту дээш амы-тынга айыылдыг албан-хүлээлгени коргуш чокка төлептиг күүседип чоруур дайынчылар Хадың сумузундан Ада-чурттуң Улуг дайынының, Афган дайынының, Сирия, Чечня, Украинада тускай шериг хөделиишкиннерниң киржикчилериниң самбыразын азып, школачы оолдарга кожуун чергелиг тыва хүреш маргылдаазын эрттирип бергеннер.
Шериг албан-хүлээлгелиглер бот-боттарын дайын шөлүнге кагбайн, камгалажып, карактажып, деткижип чоруур. Эрес-дидим дайынчылар ат-алдарга база шаңнал-макталга төлептиг болуп турарынга чаңгыс чер-чурттуглары чоргаарланыр.
Хадыңчылар дайынчы оолдарывыска каң дег кадыкшылды, ажыл-ижинге бедик чедиишкиннерни, өг-бүлелеринге амыр-тайбыңныг, аас-кежиктиг, өөрүшкү-маңнайлыг чуртталганы күзээн.
