Шериг комиссариаттарында «изиг шугум» телефону ажылдап эгелээн

Россияның Чепсектиг Күштериниң одуруун Тывадан шеригже чаа келдирткен оолдар немередип турар.

Бо чазын шериг баар оолдар болгаш оларныӊ ада-иелери сонуургап турар айтырыгларын телефон дамчыштыр салып болур. Тыва Республиканыӊ шериг комиссариаттарында «изиг шугум» телефону ажылдап эгелээн.

Россияның Чепсектиг Күштеринге шериг албан-хүлээлгезин эрттирер назы-хары четкен хамаатыларны апрель 1-ден июль 15 үеде шериг кезектеринче келдиртир дугайында Чарлыкка Президент В. Путин холунуң үжүүн салып, бо чугула документини күш киирген.

Он сестен 27 хар чедир назынныг, халажылгада эвес, ниитизи-биле 134500 санныг аныяк эр кижилерни бо чазын шеригже келдиртир.

Шериг албан-хүлээлгезин күүседир хуусаазы төнген солдаттарны, матростарны, сержантыларны болгаш старшиналарны Президент В. Путинниң бо-ла Чарлыы-биле шеригден халаштырып чандырар.

Сонуургап билип алыксаан айтырыгларны шериг баар оолдар-даа, ада-иелер-даа салып болур. Республиканыӊ шериг комиссариаттарында «изиг шугум» телефону понедельник-пятница хүннеринде 8:00 – 16:00 шактарда ажылдаар.
Харылзажыр телефоннарны бо айтыгдан көрүп болур: https://rtyva.ru/content/2749/45733/