Сүт-Хөл кожууннуң Төлээлекчилер хуралы Россияда тус-чер бот-башкарылгазының байырлалынга тураскааткан спортчу маргылдааларны кожуун болгаш суму чагырга чериниң ажылдакчылары база депуттарының аразынга эрттирген.
Муниципалдыг албан-хаакчылар баскетбол, аргамчы тырттарынга болгаш эстафетага күжүн шенежип, маргылдашкан.
Спортчу хемчегниң түңнелдери-биле, баскетбол маргылдаазынга бирги черге кожууннуң, ийиги черге Кара-Чыраа сумузунуң, үшкү черге Ак-Даш сумузунуң чагырга черлериниң командалары төлептиг болган.
Аргамчы тырттарынга бирги черни кожууннуң, ийиги черни Алдан-Маадырның, үшкү черни Кара-Чырааның суму чагыргалары ээлээн.
Эстафетага Кызыл-Тайга сумузунуң командазы бирги черже үнген. Ийиги черни Сүт-Хөл кожууннуң, үшкү черни Кара-Чырааның командалары чаалап алган.
Команда аайы-биле бирги черге кожууннуң, ийиги черге Кара-Чырааның, үшкү черге Алдан-Маадырның командалары төлептиг болган. Тиилекчилерге акша шаңналдарын, хүндүлүг бижиктерни болгаш медальдарны тывыскан.
Тус-чер бот-башкарылга адырында шылгараңгай ажылдап чоруур ажылдакчыларны демдеглеп, Сүт-Хөл кожууннуң Төлээлекчилер хуралының болгаш «Чаңгыс демниг Россия» партиязының хүндүлүг бижиктери-биле шаңнаан.
2023 чылда маргылдааны эрттирери-биле кожуун чагыргазының командазынга шилчип чоруур кубокту хүлээткен.
