Өвүр кожууннуң Чаа-Суур сумузу республика чергелиг "Мээң төрээн суурум" деп эр командалар аразынга хол бөмбүүнүң маргылдаазын эрттиргенин чагырга чери дыңнаткан.
Маргылдаага 40 команда киришкен. Спортчу хемчег Кызылдың ийи аңгы спорт залынга болуп эрткен.
I черни Ишкин сумузунуң (160 муң акша), II черни Ак-Чырааның (100 муң рубль), III черни Тарлаг сумузунуң (80 муң рубль), IV черни Баян-Дугайның (40 муң рубль, дириг хой) командалары чаалап алган.
Дөрт аңгы номинацияның шаңналы – киржикчи бүрүзүнге 5000 рубль.
Тиилээн командаларга чагырга чери база адалар чөвүлелидириг хойларны немей шаңнап тывыскан. Иелер болгаш аныяктар чөвүлелиниң деткимчези-биле быжырган боова-боорзак-биле ойнакчыларны ашкарып-чемгерген. Суурнуң улуг-биче чону маргылдааны бедик деннелге эрттирген.
Шилчип чоруур кубокту Чөөн-Хемчик кожууннуң Чыргакы сумузунга дамчыткан.
