Сүт-Хөл кожууннуң Бора-Тайга суурда «Аныяктар болгаш уруглар» национал төлевилел-биле школада үндезин септелге ажылдары чоруттунуп турар.
Кожууннуң чагырга даргазы Орлан Монгуш тудуг ажылдарының дугайында дыңнаткан.
– Бора-Тайга ортумак школазында үндезин септелге ажылдары график езугаар чоруттунуп турар. Объектини «Депшилге» кызыгаарлаан харыысалгалыг ниитилел хүлээнип алган. Тудугну участок даргазы Кежик Ондар база бригадир Шолбан Монгуш олар башкарып турар.
ТР-ниң Өөредилге яамызы, “Күртудугчагыг” албан чери школаның удуртулгазы-биле доктаамал харылзаалыг ажылдап, телеграмда бөлүктү ажыткан. Ында кылдынган ажылдар дугайында отчеттарны хүн бүрү дыңнадып турар.
Бөгүнде бергедежип турар айтырыглар чок. Тудуг материалы шупту бар, ажылдакчылар четчир. Септелге ажылдары колдуунда төнчү чадазынче чоокшулап турар. Оъбектини хуусаадан эрте дужаар сорулга салдынган.
