Кызыл-Мажалык суурга Барыын-Хемчик кожууннуң үндезилеттинип тургустунганындан бээр 100 чыл оюнга тураскааткан республика чергелиг шыдыраа маргылдаазы болуп эрткенин Сүт-Хөл кожууннуң чагыргазы дыңнаткан.
Маргылдаага 20 эр шыдыраачы ойнаан. Сут-Хөлдүң төлээзи Олег Ооржак 9 сандан 6,5 санны алгаш, үш дугаар черже кирген. Мерген Монгуш эки ойнааш база шаңналдыг черге төлептиг болган.
Ол ышкаш он ийи херээжен ойнакчы киришкен. Сүт-Хөлден Вероника Ондар 5,5 санны алгаш, шаңналдыг черже кирген. Аңаа акша шаңналын тывыскан.
Кызыл-Мажалыктың 1 дугаар школазының коллективи угаан сайзырадыр оюн – шыдыраа маргылдаазын бедик деңнелге эрттирген.
