Тываның Мерген адыгжыларының шаңналы дээш «Тыва ча адар оюннуң: баг адар хевиринге» республика чергелиг маргылдаа болуп эрткенин Тыва үндезин төп дыңнаткан.
Тыва ча адар оюннуң төөгүзүнде бир дугаар аттыг Мергеннерниң шаңналынга ук оюн болуп эрткен. Аңаа ниитизи-биле 50 багжы киришкен.
Барыын-Хемчиктен Эрес Ооржак 22 сан-биле "Шыырак багжы" деп атты чаалап алган. Ийиги черге Улуг-Хемден Олег Чанчып, үшкү черге Сүт-Хөлден Сылдыс Ооржак төлептиг болган. Чөөн-Хемчикен Альберт Сарыглар база Эрзинден Эрес Нурзат олар база шаңналдыг черлерже кирген.
Ук оюннуң сайзыралынга үлүүн киирип, маргылдааны деткип эрттирген Тываның Мерген адыгжылары – Андрей Монгушка, Маны Кызылга, Артыш Монгушка, Сылдыс Монгушка, Айдың Хомушкуга, Кежик Успунга болгаш Евгений Ондарга Тыва үндезин культура төвү өөрүп четтиргенин илереткен.
