Республиканың хөй ажы-төлдүг өг-бүлелеринге социал хөмүр-даш чедирилгезин октябрь айның төнчүзүнге чедир доозарын Тываның Чуртталга-коммунал ажыл-агый база Одалга болгаш энергетика яамылары дыңнадып турар.
Таңды кожуунда «Социал хөмүр-даш» төлевилелиниң киржикчилериниң саны – 239. Эрткен чылын 175 өг-бүле күрүне деткимчезин алган. Арыг-Бажы, Балгазын, Бай-Хаак, Межегей, Кызыл-Арыг, Успенка сумуларының социал деткимче алыкчыларынга оттулар чүүлдү октябрь чедиден тура чедирип эгелээн.
Кызылдың мэриязының социал политика талазы-биле департаментизи хөй ажы-төлдүг өг-бүлелерге хөмүрнү октябрь бештен тура чедирип эгелей берген.
Ооң-биле чергелештир Тываның Баштыңының даалгазы-биле шериг албан-хүлээлгелиглерниң өг-бүлелерин хөмүр-биле хандырар ажыл база чоруп турар. Хөмүрнү садып алырынга болгаш чедиреринге республиканың курлавырындан 4,9 сая рубльди аңгылаан.
