ТР-ниң Одалга болгаш энергетика яамызының медээзи-биле алырга, одалга сезонунга белеткел ажылдарыының 45 хуузу күүсеттинген. Энергетиктер ажылдар график езугаар чоруп турарын дыңнаткан.
Одалга-энергетика комплекизиниң объектилериниң кышка белеткели – 38 хуу болза, чуртталга-коммунал ажыл-агыйның 28 хуу, социал адырның албан черлериниң 18 хуу болуп турар.
Тываның Баштыңы Владислав Ховалыг кадык камгалалы биле күш-ажыл болгаш социал политика яамыларының удуртукчуларынга социал объектилерниң кышка белеткелин баш бурунгаар доозарынче кичээнгейни угландырар даалганы берген.
Кышка белеткел ажылдарының планында 1062 хемчег көрдүнген. Бо хүнге чедир оларның 205-и күүсеттинген. Онза кичээнгейде «ТЭК-4 башкарыкчы компания» күрүнениң унитарлыг бүдүрүлгезиниң объектилери – Чаа-Хөлдүң, Шагаан-Арыгның, Хову-Аксының болгаш Ак-Довурактың котельнаялары. Ында котелдарның үндезин септелгезин чорудуп турар. Оон аңгыда, 1,6 муң метр чылыг четкизин солаан. Демдеглеттинген ажылдарның үштүң бирин күүсеткен.
![Эльвира Ооржак: «Украшения на подушках имеют глубокий смысл, они олицетворяют счастье, долголетие, богатство, процветание и удачу»](https://thumbor.newswave.ru/fevbgn53FyPSXd_vtR6InZKK8Eo=/870x474/https://tmgnews.ru/media/publications/0407367882/cover/rusm5ukkzc.jpg)