Чоокку үеде россий эрге-чагыргалар күш-ажыл төлевириниң эң кудуку хемчээлин, амыдырап-чурттаарының эң кудуку хемчээлин, бюджет ажылдакчыларының шалыңын, а ол ышкаш бүгү-ле социал төлевирлерни, ооң иштинде пенсияларны өстүрер. РФ-тиң субъектилериниң социал-экономиктиг деткимчезиниң талазы-биле чөвүлел хуралды ажыдып тура ол дугайында Россияның президентизи Владимир Путин медеглээнин «СЭТА» медээлер агентилели дыңнадып турар.
— Өртектер өзүлдези улустарның орулгазынга аарышкылыы-биле улдап турар деп чүүлдү билип тур мен. Ынчангаш чокку үеде бүгү-ле социал төлевирлерни, ооң иштинде пособие болгаш пенсияларны өстүрериниң талазы-биле шииитпирни хүлээп алыр бис. Күш-ажыл төлевириниң эң кудуку хемчээлин база амыдырап-чурттаарының эң кудуку хемчээлин, а ол ышкаш бюджет адырынга шалыңны өстүрер бис — деп, күрүнениң баштыңы айыткан.
Ындыг өстүрүүшкүннүң тодаргай хемчээлдерин санап эккээрин ол РФ-тиң чазаанга дааскан. "База катап демдеглеп каайн: чылдың түңнелдери-биле амыр эвес амгы байдал тургустунза-даа, мындыг байдалдарда безин ядыы-түреңги болгаш дең-дески эвес чоруктуң деңнелин чавызадырывыс эргежок чугула. Бо хүннерде безин ону боттуг боттандырып болур сорулга-дыр” — деп, президент немээн.
Двое детей из Тувы вошли в список XX Детского музыкального фестиваля «Белый пароход»
С 28 июля по 10 сентября 2025 года при поддержке Президентского фонда культурных инициатив, Большого и Мариинского театров, а также В.А. Гергиева состоится XX Детский музыкальный фестиваль «Белый пар…