Каа-Хем кожууннуң Суг-Бажы сумузунда өртке удур камгалал ажылдарын баш бурунгаар чорудуп турарын чагырга чери дыңнаткан.
Өртке удур айыыл чок чорукту хандырары-биле сумунуң кызыгаарын долгандыр черни аңдарган. Адалар чөвүлелиниң кежигүнү Орлан Бичекей ук ажылдарга ажыглаар тракторну берген.
Чурттакчылыг черлерни болгаш арга-арыгны өрттен камгалаары бирги черде.
Тываның эрге-чагыргазы чурттакчылыг черлерни база бойдус хүрээлелин өрттен камгалаар дээш өртке удур онза чурумну май 15-ке чедир кииргенин сагындыраал.
Айыттынган үе-хуусаада хамаатыларның арга-арыгларга турары, ынаар транспорт аймаан киирери кызыгаарлаттынган. Ажык черге от салыры, ол ышкаш кургаг сиген болгаш бок өрттедири хоруглуг.
Өртке удур онза чурум киирген үеде айыыл чок чоруктуң негелделерин хажытканы дээш административтиг харыысалгага онаар. Ол дээрге хамаатыларга 10 муңдан 20000 рубль чедир хемчээлге; албан-дужаалдыг кижилерге – 30 муңдан 60000 рубль чедир; юридиктиг эргелиг улуска – 400000 муңдан 800000 рубль чедир.
