Сүт-Хөл кожууннуң девискээринде дөрт суггарылга системазы (Алаш, Ак, Кызыл-Хадың, Ишкин) болгаш 4261 гектар сугаттыг чер барын чагырга чери дыңнаткан.
Тос көдээ ажыл-агый Алаш федералдыг суггат системазын ажыглап, бо чылын 811 гектар черге тараа культураларын тарыырын планнап турар. Бо хүннерде суггатчыларның чымыштыг ажыл-ижи эгелей берген.
Бо чугула ажылды сумуларның чагыргалары шын удуртуп, буга дөстерин болгаш доора чоруткан бугаларны аштап, арыглап, чалдаар ажылдарже чонну хаара тудары чугула дээрзин кожуун удуртулгазы демдеглээн.
“Часкы хүн – чылды чемгерер” деп үлегер домак бар. Суггат ажылын шын чорударындан мал чеминин белеткели болгаш картофель, ногаа аймааның элбек дүжүдүн ажаап алыры хамаааржыр.
