Ондар Коңгар-оол аттыг тыва улустуң езу-чаңчылдарының, аас чогаал болгаш ус-шеверлер төвүнге аныяк хөөмейжи Куулар Мергенниң "Тываның улустуң хөөмейжизи" деп хүндүлүг ат тывысканынга тураскааткан республика чергелиг «Сырыннал-ла сыгыт ырым...» деп хөөмей мөөрейи Шагааның ак айының 15 чаазында болуп эрткенин төп дыңнаткан.
Ук мөөрейге киржири-биле 32 хөөмейжи чыглып келгеннер.
Мөөрейниң түңнелдери-биле Дээди шыңналды – Найдан Донгак (Барыын-Хемчик), I черни – Откун Куулар (Өвүр), II черни – Сайын Куулар (Өвүр), III черни – Далай Дамдын (Чеди-Хөл). I черниң дипломантызы – Айдың Быртаан-оол (Баруум-Хемчик), II черниң дипломантызы – Отсурэн Тюлюш (Өвүр), III черниң дипломантызы – Мерген-Херел Чадамба (Тере-Хөл).
Тускай шаңналдар: "Тергиин хөөмей" – Хеймер-оол Ховалыг (Чөөн-Хемчик), "Тергиин сыгыт" – Ачын Чооду (Кызыл), "Тергиин каргыраа" – Арыят Седен-оол (Ак-Довурак), “Амырга-Моос” бөлүүнүң тускай шаңналынга Эрзин кожууннуң хөөмейжизи Аир Аракчаа төлептиг болган.
