Мугур-Аксы суурдан ажыл-биле бот-хандыртынган Сюзана Салчак социал керээге үндезилээн күрүне деткимчезиниң ачызында күзелин амыдыралда боттандырган. Ол культура болгаш дыштанылга одаанда бичиилерниң-даа, улугларның-даа ынак чигирзиг чеми – чымчак доңурганы бүдүрүп турар.
Социал деткимче алыкчызының төлевилелин комиссия бо чылдың март 21-де чүүлдүг деп көрген соонда, Сюзана Салчактың ажыл-херээ шуудаан. Ооң чугаазы-биле алырга, республиканың ыраккы кожууннарының бирээзи – Мөңгүн-Тайгада амданныг доңургада хереглел бар болуп турар.
Культура болгаш дыштанылга одаанга келген мөңгүн-тайгажылар чаңгыс чер-чуртуун деткип, доңурганы күзелдии-биле садып ап турарлар.
