Бөгүн “Түбтен Шедруб Линг” хүрээзинге Шагаага тураскааткан дүнеки мөргүлдү бажыңдан үнмейн, «ВКонтакте» социал четкиден көрүп болур. КТРК «Тыва» бодунуң албан езузунуң арнынга 22:00 шакта дамчыдылганы чорудуп эгелээр.
Эртенги даң хаяазы үнгүжеге мөргүлдерни дыңнаарынга белен республиканың чурттакчылары болгаш аалчылары Тываның найысылалында беш аңгы шөлге киржип болур. Сарыг шажын ламалары Московская кудумчузунда «Тубтен Шедруб Линг», солакы талакы дачаларда «Ганден Чойпелинг», Фрунзе кудумчуда «Дамба Брайбулинг», Колхозная кузудмчузунда «Даши Панделинг», Щетинкин-Кравченко кудумчуда «Цеченлинг» хүрээлерге номналдарны номчуур.
Ол ышкаш Чөөн-Хемчик кожуунда Үстүү-Хүрээге база дүнеки мөргүлдер болур. Шупту мөргүлдер 22.00 шакта эгелээш, 5.00 шакта доостур.
Бөгүн «Тубтен Шедруб Линг» хүрээге ужур-езулалдар болгаш мөргүлдерден аңгыда, Ак Дарийги Бурганның мандалазын дүштеки шакта ыдыктаар. 19.00 шактан марттың 1 дүнезинге чедир национал оюннарны ойнадыр.
Тываның чурттакчыларынга болгаш аалчыларынга эптиг болзун дээш, Кызылга февраль 28-тен март 1-ге чедир дүнеки мөргүлдер болгаш езулалдар эртер черлерже хөй-ниити транспортунуң түр үениң тускай маршруттары халдыр.
Эртенгиниң 4.00 шактан 8.00 шакка чедир “ЧЭТ” база “Пентагон” автобус доктаамнарындан “Кадарчы” база Дөгээже автобустар халдыр. “Звероферма” биле “Вавилин ээтпээнден” Дөгээ даанче, а “Спутник” микрорайонундан (13-кү шугум) “Кадарчыже” чоруп болур. Кызыл мэриязының курлавырларындан маршруттарның, орук ара доктаар черлерниң болгаш автобустарның үнер үезиниң дугайында тодаргай медээни көрүп болур.
Фонтан на главной площади Тувы: обновление любимого места
Фонтан на главной площади Тувы — одно из самых популярных мест для прогулок жителей и гостей столицы.